Цæгат Ирыстоны цæуы сæрмагонд æфсæддон операцийы архайджыты диспансеризаци. Аразы йæ æнæниздзинадхъахъхъæнынады министрад æмæ йæ ацæуыны бар ис, мобилизацийы чи бахауд, уыдонæн, бархионтæн, æфсæддонтæн, коммерцион æфсæддон компаниты кусджытæн æмæ афтæ дарддæр. Ныртæккæ уал диспансеризаци ацыдысты 105 адæймаджы — хъусын кæны фыдыбæстæ хъахъхъæнджыты фонды республикон филиал.