Цæгат Ирыстонмæ знон ссыд Уæрæсейы либералон демократон партийы делегаци, йæ сæргъы Леонид Слуцкий, афтæмæй. Партийы сæрдар архайдта Беслæны теракты саударæн мадзæлтты. Уымæй дарддæр дидинджытæ сæвæрдта хъыджы бæласы æмæ зæдты горæты цыртдзæвæнтæм. Уый фæстæ Леонид Слуцкий бабæрæг кодта сылгоймæгты алайнаг моладзандон æмæ рынчын сывæллæтты реабилитацийы центр. Изæры та архайдта Беслæны скъолайы кæрты мадзæлтты.