Вести. Аланийы хабæрттæ Республикæйы хæхты арæзт æрцыдысты зынгсирвæзтыты ныхмæ тактикон ахуыртæ

Республикæйы хæхты арæзт æрцыдысты зынгсирвæзтыты ныхмæ тактикон ахуыртæ. Фæлвæрдтой дзы, сæрмагонд машинæтæ дон бадæттынмæ куыд цæттæ сты, уый. Хæхбæсты арæх боныхъæд æмæ уæлдæфы æлхъывдад раив-баив фæкæны. Уый та фæбæрæг вæййы ирвæзынгæнджыты кусæнгæрзтыл æмæ сæхи уавæрыл дæр. Ахуырты рæстæг бæрæг кодтой, 100 метры бæрзæндмæ дон куыд хæццæ кæндзæн, уый. Раст зæгъгæйæ, зын фæлварæн рауад куыд техникæйæн, афтæ зынгхуыссынгæнджытæн дæр. Сæйраг нысан уыд командæйы кусын. Зынгхуыссынгæнджытæ, оператортæ æмæ æндæр специалисттæ хъуамæ ахадгæ æмархайд кодтаиккой, цæмæй дон бынатмæ бахæццæ уа, уый тыххæй. Хъуыди бæлвырд æмæ раст архайын. Ахуырты хатдзæгтæ арвитдзысты Уæрæсейы æнæнхъæлæджы уавæрты Министрады наукон-иртасæн институтмæ. Анализ сын скæндзысты, æмæ бахæсдзысты тактикæ æмæ техникæ хуыздæргæнæн амынддзинæдтæ.