Вести. Аланийы хабæрттæ Сергей Меняйло видеоформаты хуызы архайдта фæндæгты æдасдзинады фарстаты фæдыл къамисы æмбырды
Сергей Меняйло видеоформаты хуызы архайдта фæндæгты æдасдзинады фарстаты фæдыл къамисы æмбырды. Разамынд ын лæвæрдта хицауады сæрдары хæдивæг Марат Хуснуллин. Ныхас цыди фæндæггон фыдбылызтыл æмæ уавæр сраст кæныныл. Вице-премьер куыд загъта, афтæмæй Президент радта бæлвырд хæстæ æмæ нысантæ, фæндаггон фыдбылызтæ фæкъаддæр кæнынæн мадзæлттæ ссарынæн. Хъуамæ 2036-æм азмæ фæкъаддæр уой дыууæ хатты. Æмбырды æрдзырдтой Уæрæсейы фæндаггон æдасдзинады стратегийы проектыл дæр, баст уыдзæни национ проект "Царды инфраструктурæ"-имæ. Уæрæсейы мидхъуыддæгты министрад бакуыста "Фæндæггон змæлды æдасдзинад"-ы федералон проектыл. Марат Хуснуллин регионты разамонджытæн бахæс кодта, фæндаггон змæлды æдасдзинады æмвæзад фæбæрзонддæр кæныны фарстамæ бæрнон цæст æрдарын. Вице-премьеры хъуыдымæ гæсгæ, стыр æргом аздахын хъæуы фистæгæй цæуджыты æдасдзинады профилактикæмæ, стæй сывæллæтты архайдимæ фæндаггон змæлды æдасдзинады мадзæлттыл ахадгæдæрæй бакусын.
