Вести. Аланийы хабæрттæ Фæллойы базарады уавæр у æнæивгæ
19 декабря 2024, 10:40
Фæллойы базарады уавæр у æнæивгæ. Адæмы сæ куысты бынæттæй нæ уæгъд кæнынц, мызд дæр фыст цæуы афоныл. Уый тыххæй пресс-конференцийы фехъусын кодта адæмæн куыстдæттыны Комитеты сæрдары хæдивæг Элла Авакова. Республикæйы бюджеты хардзæй фыст цæуы уæлдæр æмæ астæуккаг скъолаты рауагъдонты стажировкæйæн, æгуыст адæмы ног дæсныйадыл сахуыр кæнынæн, кæнæ сын сæ квалификаци фæуæлдæр кæнынæн, стæй рæстæгмæйы куыст раттынæн. Республикæйы ис 2 мины уæгъд куысты бынаты. Фæкæсынхъуаг бинонтæй комитет куыст ссардта 269 адæймагæн. Æмбырды хицæнæй æрлæууыдысты сæрмагонд æфсæддон операцийы архайджытæн куысты ныллæууынæн æххуыс кæныны фарстайыл.
