Сæ профессионалон бæрæгбоны размæ, республикæйы сæргълæууæг Сергей Меняйло схорзæхджын кодта скъолайы агъоммæйы ахуырады кусджыты. Бæрæггонд цæуы 27-æм сентябры. Цæгат Ирыстоны дарддæр цæуы хъæууонхæдзарадон цæрæгойты æмæ мæргъты вакцинаци тæссаг инфекцитæй. Ветеринартæ сын кæнынц профилактикон прививкæтæ æмæ диагностикæ. Дигорайы сывæллæтты сфæлдыстады районы галуаны уыд гом дуæртты бон. Уазджытæн бацæттæ кодтой сфæлдыстадон иугæндты куысты презентаци. Баиу кодтой цалдæр къабазы.