Республикæйы сæргълæууæг бадомдта, бырæттæ кæм æмбырд кæнынц, ахæм æдзæллаг зæххы хæйтты хицæуттæй дзуапп агурын. Ацы хæс Сергей Меняйло радта вице-премьер Икъаты Русланбегæн, исбоны министр Тедеты Русланæн æмæ Дзæуджыхъæуы администрацийы сæргълæууæг Милдзыхты Вячеславæн. Санитарон мадзæлттæ æххæстгæнгæйæ ивгъуыд къуырийы республикæйы бафснайдтой 8 сæдæ тонны бырæттæ.