Физкультурæйы æмæ спорты ахадындзинад æнæниз цардыуаджы. Ацы темæйыл æрныхас кодтой республикæйы парламенты. Депутаттæй дарддæр ма фембæлды архайдтой алы ведомствоты минæвæрттæ, спортивон скъолаты æмæ центрты разамонджытæ, тренертæ æмæ зындгонд спортсментæ. Ныхас кодтой куыд спорты рæзтыл, афтæ йæ риссагдæр фарстатыл. Бæлвырддæр та стыр æргом аздæхтой ахуыргæнæдæтты æмбæлгæ инфраструктурæмæ.