Вести. Аланийы хабæрттæ Дзæуджыхъæуы арæзт æрцыд документалон киноныв "Садон: Сау цæугæдон"-йы премьерæ
18 декабря 2025, 10:02
Дзæуджыхъæуы арæзт æрцыд документалон киноныв "Садон: Сау цæугæдон"-йы премьерæ. Проекты режиссер у Анастасия Шкитина. Кинонывыл куыста афæдзæй фылдæр. Уыцы мгъуыдмæ киноисæн къордæн уыд дæсгай экспедицитæ. Сæ фылдæр уыдысты Цæгат Ирыстонмæ. Документалисттæ баиу кодтой, архивон æрмæджытимæ куыст æмæ цæстдарæн метод. Уымæй дарддæр ма æрæмбырд кодтой бынæттон цæрджыты радзырдтæ поселочы ивгъуыды æмæ фидæны тыххæй. Æхгæд премьерон равдыст ацыд Садоны.
