Вести. Аланийы хабæрттæ Атарты Георгий стæй Бетанты Марат хорзæхджынгонд æрцыдысты Уæрæсейы президенты бузныджы фыстæджытæй
17 февраля 2026, 10:44
Цæрæнуæтты арæзтады рæзтмæ æвæрæн кæй бахастой, уый тыххæй фыццаг вице-премьер Атарты Георгий стæй арæзтады æмæ архитектурæйы министр Бетанты Марат хорзæхджынгонд æрцыдысты Уæрæсейы президенты бузныджы фыстæджытæй. Республикæйы сæргълæууæг сын кадджын хæрзиуджытæ радта аппаратон æмбырды рæстæг. Ныхас ма цыд Цæгат Ирыстоны оперативон уавæрыл. Мидхъуыддæгты министрадæй куыд фехъусын кодтой, афтæмæй ивгъуыд къуыримæ республикæйы æрцыд 77 фæндаггон фыдбылызы.
