Цæгат Ирыстоны Сæргълæууæг Сергей Меняйло фембæлд сæрмагонд æфсæддон операцийы ветеранты уæрæсейаг Ассоциацийы æххæстгæнæг директор Дмитрий Афанасьевимæ. Ныхасы архайдта регионалон ассоциацийы разамонæг Магкæты Олег. Стыр æргом аздæхтой не фсæддонтæн æмæ сæ бинонтæн æххуысы мадзæлттæм. Æрдзырдтой медицинон реабилитацийыл, куысты бынæттæ ссарыныл æмæ профессионалон рæзты фарстатыл. Нæ республикæйы ныридæгæн царды уадзынц цалдæр проекты. Се хсæн - кадрты программæ "Ирыстоны Намыс", скъолаты æмæ астæуккаг ахуыргæнæндæтты та кусынц директорты уынаффæгæнджытæ æфсæддон-патриотон фарстаты фæдыл. Регионы разамонæг куыд загъта, афтæмæй ахсджиаг у æфсæддонтæн сæхи сабыр царды ссарын, æмæ сæ фæлтæрддзинад рæзгæ фæлтæрмæ хæццæ кæнын. Хицæнæй æрныхас кодтой сæрмагонд æфсæддон операцийы ветеранты регионалон ассоциацийы рæзтыл. Абон йæ хыгъды ис 3 мин адæймаджы онг.