Мæздæджы сывæллæтты технопарк "Кванториум"-ы арæзт æрцыд Магомед Гимбатовы чиныджы презентаци. Йæ сæргонд “Сердце отдаю детям”. Ног чиныг дзурæг у техникæйы æмæ инновациты дунейыл. Бæлвырддæр та - авторы 40 азы сфæлдыстадон фæндагыл. Презентацийы рæстæг Магомед Гимбатов радзырдта канд чиныджы сюжеты тыххæй нæ, фæлæ ма равдыста цæстуынгæ æрмæг, йæхæдæг æмæ йæ ахуыргæнинæгтæ кæй скодтой, уыцы æрхъуыдыдзинæдтæ. Экспонатты хсæн - робот-гуманоид, электро-няня, электромузыкалон инструмент "Горские напевы" æмæ радиохъазт "Охота за приведениями". Се ппæт дæр сты ирд дæнцæг, теоретикон зонындзинæдтæй практикон проекттæ куыд рауайынц, уымæн.