Цæгат Ирыстоны территориалон æвзарæн къамистæ равдыстой сæ арæхстдзинад, алы æнæнхъæлæджы уавæрты рæстæг куыд архайын хъæуы, уый фæдыл. Æрхъуыдыгонд таурæгъмæ гæсгæ Дзæуджыхъæуы Рахизфарсы районы территориалон æвзарæн къамисы ахуыссын кодтой электрон тых. Нæ уыди бастдзинад дæр. Регламентмæ гæсгæ къамисы сæрдар апарахат кодта хъусынгæнинаг бæрнон службæтыл, стæй республикæйы æвзарæн къамисы штаб. Специалисттæ бынатмæ æрбахæццæ сты æвæстиатæй. Бæстон куысты фæстæ баиу кодтой генератор. Куыд бафиппайдтой, афтæмæй æппæт территориалон æвзарæн къамистæ ифтонг сты ахæм кусæнгæрзтæй, цæмæй электрон тых исой æнæ къулымпытæй. Тренировкæйы кæронбæттæны сбæрæг кодтой, паддзахадон автоматизацигонд системæ "Выборы"-мæ куыд баиу гæнæн ис, уый.