Дзæуджыхъæуы ацыд шахмæттæй гом турнир. Ерыстæ уыдысты дыууæ кары категорийы. Архайджыты хсæн Сергей Карякины шахмæтты клубы минæвæрттæ, стæй йе нæниздзинад хъыгдард кæмæн у, ахæм адæм. Турнир арæзт æрцыд æппæтуæрæсеон спортивон марафон "Уæрæсейы тых"-ы фæлгæты. Ацы мадзал иу кæны профессионалон спортсменты æмæ спорт хи ирхæфсыны хуыз кæмæн у, ахæм адæмы. Регионалон къæпхæны уæлахиздзаутæ 16-æм августы дистанцион фæткмæ гæсгæ архайдзысты финалы. Уыцы æвзарæн тур дæр чи ацæуа, уыдон та сентябры сæ тыхтæ æвзардзысты дунейы Кубок рамбулæг, дунейы чемпион Сергей Карякинимæ.