Цæгат Ирыстон райсдзæн 35 милуан сомæй фылдæр. Сæрмагондæй - музейты равдыстыты æмæ фондты кусæнгæрзтæн. Уый тыххæй фехъусын кодта республикæйы Сæргълæууæг. Национ музейæн балхæдтой планетарон сканер, тæрхæджытæ æмæ хъæддзаума. Тугъанты Махарбеджы номыл музейæн та самал кодтой графикæйæн сæрмагонд стъол, рухсгæнæн, стæй уæлдæфы температурæ æмæ уымæладмæ цæстдарæн системæтæ. Сергей Меняйло куыд загъта, афтæмæй ахæм ногдзинæдты фæрцы экспонаттæ хуыздæр хъахъхъæд цæудзысты, æмæ ма сæ фенæн уыдзæн бирæ азты дæргъы. Зæгъдзыстæм ма уый дæр, æмæ мадзал æххæстгонд цæуы национ проект "Бинонтæ" æххæст кæнгæйæ.