Ивгъуыд къуыримæ фыццæгæм къласмæ бацæуыны тыххæй курдиæттæ балæвæрдтой 900 курдиаты онг. Æдæппæтæй та райстой 7 мины 397 гæххæтты. Уый тыххæй æрвылкъуырион аппаратон æмбырды фехъусын кодта ахуырады æмæ наукæйы министр Алыбекты Эллæ. Ныхас цыд Цæгат Ирыстоны эпидемиологон уавæрыл дæр. Фæлхасадмæ цæстдарды управленийы хъусынгæнинагмæ гæсгæ, æхснырсæгæй æмæ æндæр хæцгæ низтæй рынчынты нымæц, раздæры азтимæ абаргæйæ, у къаддæр. Дарддæр цæстдард цæуы нуазыны доны хæрзхъæддзинадмæ. Стыр æргом ма аздæхтой фæззыгон-зымæгон сезонмæ цæттæдзинадмæ. Профилон министрадæй куыд фехъусын кодтой, афтæмæй куыстытæ фесты 67% онг. Уæлдай цæстдард цæуы артаджы базарадмæ. Цæрæнуæтты коммуналон хæдзарады, артаджы æмæ энергетикæйы министр Хъараты Тимур фехъусын кодта - Цæгат Ирыстоны хынцынц артаджы уавæр. Ныртæккæ республикæйы ис бензины æмæ дизелы 2 мин тоннæйæ фылдæр. Регионы разамонæг Сергей Меняйло бахаста фæндон, куыстдæттыны комитет фæллойы æмæ социалон рæзты министрды бæрны бахæссын. Ныхас ма цыд скъоладзауты тæвд хæринагæй ифтонг кæныныл.