Проект "Кавказаг къахвæндаджы" командæ кæронмæ бакуыста Цæгат Ирыстоны иртæстыты экспедицийы. Фистæгæйцæуджытæн Уæрæсейы æппæтæй рæсугъддæр маршрут æрхъуыды кæнын - ахæм нысан æвæрд уыди экспедицийы архайджыты размæ. Нысан кæнынц донгуырæнтæ, агурынц, хуыздæр афæлгæст кæм ис, ахæм бынæттæ, иртасынц ног фæзуæттæ. Уыдон иумæйагæй суыдзысты Дербентæй Сочийы онг егъау маршруты хай. Туристтæ æрзылдысты æппæт республикæйыл - Цмийæ райдай æмæ Задалескæй фæуы. Проекты сайты ныридæгæн фенæн ис къахвæндаджы ныв, хаст æм æрцыди Цæгат Ирыстон дæр. Проектыл кусынц дарддæр.