Ирон æвзаг æмæ литературæйы 400 чиныджы Цæгат Ирыстоны ахуырады æмæ зонады министрад арвыста Кæсæг-Балхъары республикæйы хъæу Озрекы скъоламæ æмæ Хъæрæсе-Черкесийы Хетæгкаты Къостайы хъæуы ахуыргæнæндонмæ. Æдæппæтæй республикæ ацы аз бацæттæ кодта 52 мин экземпляры - 32 ноггонд чиныджы хаст сты федералон хыгъдмæ. Ацы хъуыддаг æххæстгонд æрцыд Республикæйы Сæргълæууæг Сергей Меняйлойы уынаффæмæ гæсгæ: чингуытæн скодтой федералон экспертизæ, ноггонд æрцыдысты æрмæст Цæгат Ирыстоны нæ, фæлæ ирон æвзаг æмæ литературæ цы сыхаг регионты ахуыр кæнынц, уыцы скъолаты дæр.