"Адæмты хæлардзинад - Уæрæсейы иудзинад". Ахæм сæргондимæ фестиваль-конкурс ацыд республикæйы сывæллæтты сфæлдыстады хæдзары. Мадзалы архайдтой республикæйы æмæ муниципалон скондты минæвæрттæ. Бацæттæ кодтой вокалон æмæ хореографион номертæ, стæй сæ арæхстдзинад равдыстой аивадон дзырды номинацийы. Чи кæцы адæмы хатты культурæ æмæ традицитæн скодта презентаци, уый амæй размæ центрты разамонджытæ сбæрæг кодтой хæлттæ ппарыны фæткмæ гæсгæ. Конкурсы номертæн аргъ кодтой жюрийы уæнгтæ, йæ хыгъды уыдысты æппæтадæмон инклюзивон фестиваль  «Алтын Майдан - Алания»-йы архайджытæ. Тæрхонгæнджыты хъуыди номинациты уæлахиздзауты æмæ гран-прийы аккаг чи суыдзæн, уый. Регионалон фестиваль-конкурсы архайджыты фарс рахæцынмæ мадзал бабæрæг кодтой республикæйы хицауады хæдивæг Алыбекты Эллæ æмæ ахуырад æмæ наукæйы министры хæстæ рæстæгмæ æххæстгæнæг Андрей Швецов.