Оренбургаг кæлмæрзæнтæ, Елецкæй хызгондтæ, Нижний Новгородæй керамикæ, Цхинвалæй авгыл нывтæ æмæ Севастополæй къуымбил флористикæ. Национ музейы равдыстадон залы байгом стыр экспозици рагон æрмдæсныйады хуызты куыстытимæ. Цæгат Ирыстон дзы æвдыст цæуы авторон куклатæй, алайнаг керамикæйæ, хъæдæй æмæ æрхуыйæ конд дзауматæй, ирон хъаматæй, стæй скифаг хæцæнгæрзты, хотыхты æмæ амуницийы хуызтæй.