Гуыбаты бинонтæ цæрынц Тарскæйы. Самандурæй арæзт хæдзарыл цæуы æнусæй фылдæр. Рæстæгимæ заууатмæ æрцыд. Бинонтæ æххуысмæ сидтысты алыхуызон ведомствæтæм. Бæстыхай банымадтой, цæрынæн чи нæ бæззы, ахæмыл, Гуыбаты ма суанг бахастой федералон программæ "Хъæуы социалон райрæзтмæ" дæр. Уæдæй рацыд 16 азы. Фæлæ куыд рабæрæг, афтæмæй Гуыбатæн зæрдæ ницæмæй æвæрынц. Бæлвырддæр хабæрттæ радзурдзæн Хъайтмазты Дзерассæ.