Уæрæсейы сгуыхт тренертæ Дзæгъойты Рамазан æмæ Наниты Оледжы номарæн турнир уæгъдибар хъæбысхæстæй арæзт æрцыд Беслæны. Архайдтой дзы республикæйы æппæт районтæй æвзонг спортсментæ. Се ппæт дæр сты Цæгат Ирыстоны æмæ Уæрæсейы ерысты уæлахиздзаутæ, стæй европæйаг турнирты призертæ. Номарæн мадзал саразджытæ куыд загътой, афтæмæй ахæм ерыстæ арæзт сты спорты ацы хуыз парахат кæнынмæ, стæй рæзгæ фæлтæры командæйы архайынмæ разæнгард кæнынмæ.