Хъæддаг сырдты бардуаг Æфсати, йæ алыварс та алыхуызон цæрæгойтæ. Цъæйы фæдзæхст бынаты фæзынд ног арт-объект. Бакуыстой йыл Дзанайты Азанбеджы номыл аивадон училищæйы студенттæ. 8 метры онг æрмæгыл сныв кодтой, фæдзæхст бынаты территорийы цы цæрæгойты хуызтæ ис, уыдон. Фидарæй сæ уырны, ацы арт-объект йæхимæ кæй æлвасдзæн куыд республикæйы цæрджыты, афтæ мингай туристты дæр.