РЦИ-А хицауады сæрдар Дзанайты Барис Дзæуджыхъæуы бабæрæг кодта фыццаг æмæ егъаудæр национ рауагъдад "Ир". Балцы нысан – рауагъдады куыстимæ бæстондæрæй базонгæ уæвын, стæй сын сæ лыггæнинаг фарстаты баххуыс кæнын. Премьеримæ ныхасгæнгæйæ, редактортæ æмæ техникон кусджытæ радзырдтой сæ куысты лыстæг хъуыддæгты тыххæй. Авторты къухфыстытæй райдай, æмæ чиныг мыхуыры рауадзыны онг.