Зæдæлескы Нанайы бæрæгбон бæрæг фæкæнынц майрæмы мæйы фыццаг сабаты. Нырæй фæстæмæ та официалон æгъдауæй сси Ирыстоны национ бæрæгбон. Уый фæдыл указ бафыста республикæйы Сæргълæууæг Сергей Меняйло. Рагон заманы таурæгъмæ гæсгæ, Тимуры æфсæдтæ 14-æм æнусы Аланимæ куы рбабырстой, уæд легендарон сылгоймаг сæмбырд кодта хæхты цæрæг сидзæр сывæллæтты, бирæ ирыстойнаг мыггæгты минæвæртты, æмæ сæ бахъахъхъæдта.