Дыгургомы сбæрæг кодтой Зæдæлескы Нанайы бæрæгбон. Республикæйы Сæргълæууæг Сергей Меняйлойы  указмæ гæсгæ нырæй фæстæмæ официалон æгъдауæй сси Ирыстоны национ бæрæгбон. Рагон заманы таурæгъмæ гæсгæ, Тимуры æфсæдтæ 14-æм æнусы Аланимæ куы рбабырстой, уæд легендарон сылгоймаг сæмбырд кодта хæхты цæрæг сидзæр сывæллæтты, бирæ ирыстойнаг мыггæгты минæвæртты, æмæ сæ бахъахъхъæдта.