Остап Бендер æмæ Киса Воробьянинов. Рæхджы ацы литературон хъайтарты сурæттæ фæзындзысты Дзæуджыхъæуы. Ног объекттыл кусы скульптор Зæнджиаты Таймураз. Зындгонд комбинатор лæудзæн фæндагыл, йæ къухы та 12 бандонæй иу. Хъуыдыкæнынады гигант, цыма исты куры, афтæ. Авторы бафæндыд, ацы сурæттæ кинойы йæхиуыл чи сбарста, уыдоны равдисын нæ, фæлæ йæхи цæстæнгас раргом кæнын.