Йæ 100 азы юбилей сбæрæг кодта Фыдыбæстæйы Стыр æхсты ветеран Беслæны цæрæг Мысыкаты Мария. Мария 1944-æм азы апрелы райдыдта кусын æфсæддон-эксплуатацион хайады Минводы. Эшелон цыди не фсады фæстæ, æмæ цалцæг кодта пырх хидтæ, æфсæнвæндæгтæ. Уыцы-иу рæстæг æххуыс кодтой цæф салдæттæн. Мария уыд хæстон медицинон хо, йæхæдæг-иу цæфты хаста тохы быдырæй, æмæ афтæмæй æвдыста æцæг хъæбатырдзинад.