Куыд ма хъуысын кодтам, афтæмæй ацы аз нæ республикæйæн у юбилейон. Уый кадæн арæзт цæуынц алыхуызон мадзæлттæ. Адæмон сфæлдыстады хæдзар та сфæнд кодта цымыдисаг лæвар бацæттæ кæнын. Районты цæрджытæй курдиатджындæр сылгоймæгтæ æндахæй нывæндынц Цæгат Ирыстоны картæ. Уыдонæй алкæцыдæр кусы хицæн районыл æмæ йæхи техникæйæ. Иутæ сæ быйгæ кæнынц, иннæтæ тæ – нывæфтыдтæ кæнынц.