Вести. Аланийы хабæрттæ Республикæйы национ музей райста ног ифтонггæрзтæ. Уый тыххæй йæ телеграм-каналы фехъусын кодта Цæгат Ирыстоны сæргълæууæг Сергей Меняйло
23 августа 2024, 11:03
Культурон артдзæсты фæзындысты интерактивон стъолтæ, ног экспозицион тæрхæджытæ, æфсæйнаг стеллажтæ æмæ хъæддзаума. Хæстæгдæр рæстæг музейы сæвæрдзысты ног рухсгæнæн кусæнгæрзтæ дæр. Республикæйы разамонæг куыд загъта, афтæмæй Цæгат Ирыстон райста 25 милуан сомæй фылдæр национ проект "Культурæ"-мæ гæсгæ. Зæгъын ма хъæуы уый, æмæ афæдзы райдианæй национ музей æмæ йæ дæлхайæдтæ бабæрæг кодтой 22 мин адæймаджы онг.
