Дзæуджыхъæуы уыд киноныв "Монолог"-ы премьерон равдыст. Сфæлдыстадон къорд æй систа фантастикæйы жанры. Автортæ дзы фæлварынц дзуапп радтын фарстæн: аразгæ интеллектæн йæ бон куыд у ахадын адæмы, йæ культурæйы æмæ национ миддунейы райрæзтыл. Киноныв истой Ирыстоны, Алагиры æмæ Дыгуры кæмтты хæххон хъæуты. Ист æрцыд культурон хъæппæристы президентон фонды æххуысæй.