Вести. Аланийы хабæрттæ Национ наукон библиотекæйы арæзт æрцыд сфæлдыстадон клуб "СТИХиЯ"-йы традицион поэтикон изæр
28 февраля 2026, 09:51
Национ наукон библиотекæйы арæзт æрцыд сфæлдыстадон клуб "СТИХиЯ"-йы традицион поэтикон изæр. Алы мæй дæр поэттæ сæмбырд кæнынц литературæуарзджыты. Ацы хатт бæстонæй æркастысты, æвзист æнус кæй хонынц, уыцы рæстæджы поэзимæ. Мадзалы уазджытæн бацæттæ кодтой лекцитæ. Раргом кодтой Уæрæсейы поэзи ирдæй парахат кæнын куы райдыдта, уыцы рæстæджы поэзийы фæзилæнтæ. Алкæмæндæр фадат уыди йæ хъуыдытæ зæгъынæн, стæй йæ уарзон поэты æмдзæвгæ бакæсынæн.
