Михаил Глинкæйы номыл Мæздæджы сывæллæтты музыкалон скъолайы уыд, Галаты Аслæнджерийы культурæйы фондимæ æмæ районы администрацийы культурæйы фарстаты фæдыл хайадимæ иумæйаг мадзал "Ирон марш". Сфæлдыстадон изæр баст уыд, ирон профессионалон музыкæйы бындурæвæрæг, станицæ Черноярскæйæ рацæуæг Галаты Барисы райгуырды бонимæ. Фонды директор Гаглойты Лианæ радзырдта, ног æрмæджыты, хуызистыты æмæ иртасæн куысты хай цы гæххæттытæ систы, уыдоны тыххæй. Мæздæджы цæрджытæ æмæ мадзалы уазджытæ федтой, информацион агентад «Спутник»-ы æрыгон журналистты архайдæй ист документалон киноныв, стæй ма базыдтой фольклорист-энциклопедист Галаты Барисы нотæты уацмыстæ тæлмац кæныны фæдыл специалистты бæстон куысты тыххæй. Бирæтæ нæ зонынц мастеры æмархайды тыххæй Тугъанты Махарбегимæ, стæй Галаты Барис кæй сси фыццаг музыкалон драмæ «Батрадз»-ы автор æмæ ныффыста музыкæ легендарон киноныв «Фатимæ»-мæ. Гаглойты Лианæ адæмон инструментты ансамбль «Уадындз»-æн æмæ Михаил Глинкæйы номыл музыкалон скъолайæн балæвар кодта Галаты Барисы нотæтæ.