Цæгат Ирыстоны паддзахадон университеты кæронмæ æрхæццæ ахуыргæнæндоны Кубок рамбулыны ацы азы турнир футболæй. Мæйы дæргъы цыди университеты спортивон фæзты, æмæ баиу кодта алы факультетты 20 командæйы. Хатдзæгтæм гæсгæ æртыккаг бынат бацахста физкультурæ æмæ спорты факультеты иугонд командæ. Финалы та сæйраг хæрзиуæг рамбулыныл ерыс кодтой дыууæ командæйы. Дыууæ дæр уыдысты экономикон факультеты минæвæрттæ, равдыстой иттæг хорз спортивон цæттæдзинад стæй рæсугъд хъазт. Турниры уæлахиздзауты æмæ призерты схорзæхджын кодтой зынаргъ призтæй. Цæгат Ирыстоны паддзахадон университеты проректор Кокайты Алан куыд радзырдта, афтæмæй афæдзæй-афæдзмæ спортивон къабаз ахуыргæнæндоны кæны парахатдæр. Уымæн та арæзт цæуы æмбæлгæ инфраструктурæ.