Цæгат Ирыстоны цæуы куыст дæттыны æппæтуæрæсеон армукъайы федералон къæпхæн “Уæрæсейы куыст. Гæнæнты рæстæг”. Мадзал саразыныл бакуыстой, национ проект "Кадртæ" цæттæ кæнгæйæ. Сæрмагонд фæзтæ байгом кодтой Хæххон паддзахадон аграрон университеты æмæ Мæздæджы культурæйы Галуаны. Республикæйы цæрджытæн бацæттæ кодтой комкоммæ фембæлдтытæ куыстдæтджытимæ. Адæмæн сæ бон у канд куыст ссарын нæ, фæлæ ма базонын ног гæнæнты тыххæй, фæлтæрддзинад фæфылдæр кæныны æмæ æндæр дæсныйадыл сахуыр кæныны тыххæй. Армукъамæ куысты бынæтты тыххæй хъусынгæнинаг бахастой 40 компанийæ фылдæр. Мадзал бабæрæг кодта Хицауады сæрдар Дзанайты Барис. Куыд загъта, афтæмæй куыст ссарынæн армукъа у ахадгæ фæрæз.