Беслæны дарддæр цæуы сывæллæтты нывкæнынады скъолайы арæзтад. Ныртæккæ специалисттæ кæнынц мидаивгæнæн куыстытæ, æвæрынц инженерон хызтæ, зынгисрвæзтыты æдасдзинады æмæ вентиляцион системæтæ. Уыцы иу рæстæг аив кæнынц территори. Уый тыххæй фехъусын кодта республикæйы сæргълæууæг Сергей Меняйло. Ног бæстыхайы фæзуат уыдзæн 2 мин 600 квадратон метры. Ахуыртæн æххæст уыдзæн æппæт хъæугæ ифтонггæрзтæй. Рæзгæ фæлтæрæн дзы сæ бон уыдзæн ахуыр кæнын æрмдæсныйадыл, нывкæнынадыл æмæ аивады æндæр къабæзтыл. Скъолайы уыдзæн равдыстадон зал дæр. Куыстытæ æххæстгонд цæуынц «Сывæллæтты æмæ фæсивæды ахуырадæн, фæллад уадзынæн æмæ дзæбæх кæнынæн уавæртæ аразыны» федералон проектмæ гæсгæ.