Республикæйы хицауады сæрдар Дзанайты Барисы разамындæй ацыд Цæгат Ирыстоны зæххы хæйттæй пайда кæныны фарстаты фæдыл æмбырд. Сæйраг темæ - карьерты рекультиваци, пайдаджын æрзæттæ агурыны фæстæ. Премьер-министр куыд фæнысан кодта, афтæмæй ацы ахсджиаг фарста домы æппынæдзух цæстдард. Республикæйы æрдзон æвæрæнты æмæ экологийы министр Бæззаты Вадимы бæрæггæнæнтæм гæсгæ, абоны онг респуликæйы территорийы пайдаджын æрзæттæ агурынæн лæвæрд æрцыди 78 лицензийы. Ведомствæты хсæн къамисы куысты рæстæг бакуыстой æмæ сбæлвырд кодтой 32 рекультивацийы проектыл. Специалисттæ сбæрæг кодтой цас зиан хаст ын æрцыди, уый. Цæугæ мониторинг спайда кæндзæн специализацигонд лабораторийæ. Дзанайты Барис регионы æрдзон æвæрæнты министрадæн бахæс кодта, рекультивацийы проекттæ нысан кæныны куыст адарддæр кæнын.