Цъæйы комы бахыгътой ирвæзынгæнджыты альпинистон цæттæдзинады æмбырдтæ. Программæ сæмбырд кодта Уæрæсейæ æмæ Беларусийæ 30 специалистæй фылдæр. Фæлтæрдджын инструкторты разамындæй архайджытæ ацыдысты хæххон уавæрты кусыны интенсивон курс. Бæрæггæнæнтæм гæсгæ, æрыгон специалисттæн радтой "Уæрæсейы альпинист"-ы нысантæ, фæлтæрдджын ирвæзынгæнджытæ та фæуæлдæр кодтой сæ квалификаци æмæ спортивон разряд. Цъæй 4-æм аз фæд-фæдыл сси ирвæзынгæнæг-альпинистты æмбырдтæ æнтыстджынæй кæм ацæуынц, ахæм бынат. Æмбал кæмæн нæй, ахæм хæххон уавæртæ фадат дæттынц специалисттæн сæ гæнæнтæ фæуæрæхдæр кæнынæн.