Ацы аз Дзæуджыхъæуы 30 уаццагæй фылдæрыл сцалцæг кæндзысты тротуартæ. Куыстытæ цæуынц, хи хæдзæртты секторы дæр, æмæ горæты стыр фæндæгтыл дæр. Уый тыххæй фехъусын кодта Дзæуджыхъæуы администрацийы сæргълæууæг Милдзыхты Вячеслав. Фистæгцæуæн хайы цалцæг хауы уынгты бындурон цалцæджы куыстыты номхыгъдмæ æмæ æххæстгонд цæуы машинæтæцæуæн хайы цалцæгимæ уыцы иу рæстæг. Фæлæ фæндаг ног кæнын куы нæ фæхъæуы, тротуартæ та цæстдард куы фæдомынц, уæд сæм ахæм уавæрты хицæнæй базилынц. Ацы аз ног тротуартæ фæзындзæн горæты 5 уаццагыл. Уыдонæй 4 ныридæгæн скодтой микрорайон «Ног горæт»-ы. Ноджыдæр ма иу та Къостайы проспекты – стадион «Торпедо»-йы районы.