Дзæуджыхъæуы цæуы Дыккаг Æппæтадæмон кинофестиваль «Алания». Кинематографисттæ, актертæ, режиссертæ æмæ авторон кино уарзджытæ сæмбырд сты, цæмæй базонгæ уой фестивалы программæимæ æмæ йæ архайджытимæ. Сæйраг цау уыд - кино «Абрек Заур»-ы равдыст. Ацы аз ыл сæххæст 100 азы. Кинолентæ бæрæг дары рагон советон кинематографы хсæн. Зауыры роль йæхиуыл сбарста ирон актер Бестауты Ладо. Кинолентæйы æмæ актеры хъысмæты темæйыл арæзт æрцыд равдыст «Мираж большой истории». Бацæттæ йæ кодта культурон центр «Дунеон», раздæры кинотеатр «Пате»-йы. Экспозицийы фенæн ис Бестауты Ладойы æмæ йæ чызг, актрисæ Бестауты Татьянæйы архивон æрмæджытæ. Фестиваль баиу кодта æппæт дунейы кинематографистты. Æдæппæтæй конкурсмæ бацæттæ кодтой 500 куысты онг. Равзæрстой сæ 32 цымыдисаг кинонывы. Ацы аз фестиваль "Алани"-йы архайынц 25 бæстæйы минæвæрттæ. Аивадон мадзал фæуыдзæн 13-æм сентябры. Культурон центры ма уыцы-иу рæстæг цæуынц программæ "Дух города"- йы равдыстытæ.