Рухстауæн сесси "Музыкалон кинойы истори" кусын райдыдта Дзæуджыхъæуы кинойы Хæдзары. Сфæлдыстадон мадзал арæзт цæуы, Уæрæсейы кинематографистты Цæдисы грант æххæст кæнгæйæ. Къуырийы дæргъы мадзалы архайджытæн фадат уыдзæн киноиртасæг, Кинойы Æппæтуæрæсеон паддзахадон институты киноаивады æмæ наукон-иртасæн институты наукон кусæг Юлия Винары лекцитæм байхъусынæн. Сессийы фыццаг бон æрныхас кодтой, ивгъуыд æнусы 30-æм -50-йæм азты Америкæйы Иугонд штатты музыкалон кинойы историйыл. Фæстæдæр равдыстой аивадон киноныв «Поющие под дождем». Йæ режиссертæ сты Джин  Келли æмæ Стенли Ялонен. Рухстауæн сессийы фæлгæты ма цæуы видеороликты сфæлдыстадон конкурс хæстон тематикæйыл. Алы куысты дæр хъуамæ уа, кинонывæй ист æфсæддон музыкалон композици. Конкурсы архайынц 6 азæй - 18 азы онг сывæллæттæ. Хатдзæгтæ скæндзысты мадзалы фæстаг бон 26-æм сентябры.