Архитектурæйы аз æххæст кæнгæйæ, абон æмæ райсом Дзæуджыхъæуы арæзт æрцæудзæн форум «АрхАлания». Йæ темæ – «Точка отсчета». Республикæйы Сæргълæууæг Сергей Меняйло йæ социалон хызты куыд фехъусын кодта, афтæмæй форумы æрныхас кæндзысты, Цæгат Ирыстоны хъæутæн æмæ горæттæн хæстæгдæр азты цы хуыз уыдзæн, ууыл. Форумы архайджыты раз сæвæрдтой - историон хуыз бахъахъхъæныны хæс. Уыимæ саразын нырыккон æмæ æнцонвадат уавæртæ цæрынæн. «АрхАлания» сæмбырд кæндзæн архитекторты, горæтаразджыты, хицауады, бизнесы æмæ профессионалон æхсæнады минæвæртты. Бакуыстой ма хъæздыг программæйыл. Уынгты фестиваль Сабырдзинады проспекты, равдыстытæ, хуызистыты проекттæ æмæ ма бирæ æндæр мадзæлттæ. Форум суыдзæн хорз фæз ног хъæппæристæн архитектурæйы æмæ горæтаразыны къабазы. Архайыны фадат дзы ис алкæмæн дæр.