Цæгат Кавказы хæххон-металлургон институты волонтертæ райдыдтой Дзæуджыхъæуы артаджы станцæты змæлды æмæ рады лæууыны фæтк координаци кæнын. Бархионтæ рад хæсдзысты æппæтæй фылдæр машинæтæ кæм вæййы, уыцы бынæтты: Зорттаты Уырысбийы æмæ Московскийы уынгты, стæй Леоновы æмæ Московскийы уынгтæ кæм баиу вæййынц, уым. Хъусын кæны цæрæнуæтты-коммуналон хæдзарады, артаджы æмæ энергетикæйы министрад. Ведомство æрвылбон координаци кæндзæн волонтерты къордты куыст, куы хъæуа, уæд уавæрмæ гæсгæ ивдзæн сæ хыгъд æмæ нымæц. Уæ зæрдыл уын æрлæууын кæндзыстæм, раздæр республикæйы сæргълæууæг бабар кодта волонтерты æргом раздахын артаджы станцæты радтæ регулировкæ кæнынмæ.