Ирыстоны номдзыд фырт Хетæгкаты Къостайы райгуырды кадæн арæзт фæцæуынц алыхуызон номарæн мадзæлттæ. Сæ иу ацыд Дзæуджыхъæуы 13-æм скъолайы. Традицимæ гæсгæ дзы байгом сты Къостайы номыл кæстытæ.  Регионты хсæн æрвылазон конференцийы архайдтой республикæйы скъолаты ахуырдзаутæ, ирон æвзаджы ахуыргæнджытæ. Хетæгкаты Къостайы номыл кæстытæ нымад сты ахуырадон фæзыл. Рæзгæ фæлтæрæн фадат дæттынц се сфæлдыстадон хъуыдыкæнынад æргом кæнынæн, стæй мадæлон æвзагмæ уарзондзинад фидардæр кæнынæн. Конференци адих кодтой 4 секцийыл: ирон æвзаг æмæ литературæ, литературæ æмæ Цæгат Кавказы адæмты культурæ, Хетæгкаты Къостайы сфæлдыстадон бынтæ. Скъоладзаутæ бакодтой стыр иртасæн куыст. Бæрнон жюрийы уæнгтæ та сын аргъ кскодтой сæ зонадон куыстæн.