Республикæйы сæгълæууæг Сергей Меняйлойы разамындæй ацыд оперативон штабы уæрæхгонд æмбырд. Боны фæткмæ хаст æрцыдысты террористон актты ныхмæ, зынгсирвæзтытæ ма руадзыны æмæ æхсæнадон æдасдзинад хъахъхъæныны фарстатæ. Æмбырды архайджытæ бæстон æрныхас кодтой республикæйы цæрджыты æнцонвадат царды ахсджиагдæр фæзилæнтыл, уыимæ, инфраструктурон куыстуæтты æмæ организациты архайдыл. Стыр æргом дзы здæхт æрцыди цæрджыты æдасдзинадæн тæссаг чи у, ахæм барадхæлдтыты ныхмæ тох кæныны ахадгæ мадзæлттыл. Æмбырды архайдтой барадхъахъхъæнæг оргæнты, тыхы структурæты, цæстдарæн ведомствæты, æххæстгæнæн хицаудзинады оргæнтæ æмæ республикæйы районты бынæттон хиуынаффæйады администрациты сæргълæуджытæ. Сергей Меняйло фæнысан кодта, республикæйы территорийы æдасдзинад аразгæ у æппæт структурæты æмдых куыстæй. Кæронбæттæны регионы сæргълæууæг се ппæтæн дæр бахæс кодта, цы уынаффæтæ хаст æрцыди, уыдон царды уадзыны фæткæн дзуапп чи дæтдзæн, уыдоны.