Ольгинскæйы мемориалон фæйнæг байгом кодтой Зыгъуытаты Черменæн. Уый фарон фæмарди сæрмагонд æфсæддон операцийы зонæйы. Фæйнæг бафидар кодтой, Чермен кæм царди, уыцы хæдзары къулыл. Сæрмагонд æфсæддон операцийы фыццаг бонтæй фæстæмæ кæстæр сержант Зыгъуытаты Чермен уыди фыццæгты æмрæнхъ. Хъæбатырæй фæмарди Харьковы облæсты. Мемориал байгом кæныны кадджын мадзалы архайдтой хъæбатыры хиуæттæ, йæ ахуыргæнджытæ, йе фсæддон хæлæрттæ æмæ æмхъæуккæгтæ.