Космонавтикæйы скъолайы фæзындзæн сæрмагонд кълас. Уроктæ дзы цæудзысты ирон æвзагыл. Кълас байгом кæндзысты сентябры. Ахуыр дзы кæндзысты Алайнаг гимназы хъомылгæнинæгтæ – 20 сывæллоны. Афтæмæй фæнд кæнынц национ программæ фæтыхджындæр кæнын. Космонавтикæйы скъолайы куыд радзырдтой, афтæмæй ахæм кълас байгом кæнын уыд скъолайы бындурæвæрæг Къомайты Русланы бæллиц.