Йæ цардæй ахицæн Уæрæсейы æмæ Цæгат Ирыстоны адæмон артист, нæ республикæйы фæллойы фыццаг хъæбатыр Гæздæнты Булат. Хетæгкаты Къостайы номыл æмæ Нарты фæткъуыйы премиты лауреат, Булат 60 азæй фылдæр разамынд лæвæрдта адæмон инструментты национ паддзахадон оркестрæн. Йæ фæрцы бахъахъхъæдтой ирон композиторты уацмыстæ, радтой сын ног комулæфт. Булат схъомыл кодта цалдæр фæлтæры музыканттæ, сæ нæмттæ хъуыстгонд сты æгас Уæрæсейыл.