Республикæйы райдыдтой кусын æрыгон ахуыргæнджыты 5-æм форум æмæ сæрдыгон скъола "Вектор ПРОдвижение". Сæ архайджытæ сты сæ фæлтæрддзинад 3 азæй фылдæр кæмæн нæма у, ахæм 60 ахуыргæнæджы Цæгат Ирыстоны алы районтæй. Уыдонæн фондз бонмæ арæзт цæудзысты педагогон æмбырдтæ, квесттæ, архайдзысты сфæлдыстадон куыстыты. Форумы хæс у æрыгон ахуыргæнджыты хистæр зондамонджыты фæлтæрддзинадимæ зонгæ кæнын.