Дзæуджыхъæу фыццаг хатт суазæг кодта Уæрæсейы гæрзифтонг тыхты фыццаг бынат бацахсыны ерыстæ самбойæ, нæ бæстæйы хъахъхъæнынады Министрады ахуырадон организациты хсæн. Ерысты архайдтой 22 командæйы Уæрæсейы алы горæттæй: Севастополæй – Владивостокы онг. Суворовонтæ, нахимовонтæ æмæ кадеттæ ерыс кодтой дыууæ кары къордты – кæстæр æмæ хистæр. Турнир цыди дыууæ боны. Фыццаг архайджытæ тæрхонгæнджытæн равдыстой иттæг хорз спортивон цæттæдзинад.